ശ്രീകണ്ഠാപുരം വാർത്തകൾ

പയ്യാവൂർ: പയ്യാവൂർ നാളികേര ഫെഡറേഷന്റെ കീഴിൽ പുതുതായി രൂപീകരിച്ച മടമ്പം നാളീകേര ഉൽപാദക സംഘത്തിന് (സിപിഎസ്) കീഴിലുള്ള തോട്ടങ്ങളിൽ നാളികേര ബോർഡ് ഉദ്യോഗസ്ഥർ സന്ദർശനം നടത്തി. സംഘത്തിന്റെ നേതൃത്വത്തിൽ സൗജന്യമായി വളം ലഭിക്കുന്നതിനായി സമർപ്പിച്ച അപേക്ഷയെ തുടർന്നായിരുന്നു ഉദ്യോഗസ്ഥരുടെ ഈ സന്ദർശനം. പയ്യാവൂർ നാളികേര ഫെഡറേഷൻ പ്രസിഡന്റ് കുഞ്ഞുമോൻ കുഴിവേലി, നാളികേര ബോർഡ് പ്രതിനിധികൾ എന്നിവരുടെ നേതൃത്വത്തിലാണ് ഉദ്യോഗസ്ഥ സംഘം തോട്ടങ്ങളിൽ പരിശോധന നടത്തിയത്. മടമ്പം നാളീകേര ഉൽപാദക സംഘത്തിലെ കർഷകരുടെ തെങ്ങിൻതോട്ടങ്ങളുടെ അവസ്ഥയും വളപ്രയോഗത്തിന് ആവശ്യമായ മറ്റ് മാനദണ്ഡങ്ങളും ഉദ്യോഗസ്ഥർ നേരിട്ട് വിലയിരുത്തി. ▪️ റിപ്പോർട്ടർ: തോമസ് അയ്യങ്കനാൽ