ശ്രീകണ്ഠാപുരം വാർത്തകൾ

ചെങ്ങളായി: 126 വർഷത്തെ പ്രവർത്തന പാരമ്പര്യമുള്ള ചെങ്ങളായി എ.യു.പി സ്കൂളിലെ പൂർവ്വ അധ്യാപകരുടെ കൂട്ടായ്മയായ ‘സ്നേഹത്തണലി’ന്റെ നേതൃത്വത്തിൽ സൗഹൃദ സംഗമം സംഘടിപ്പിച്ചു. മുൻ ഹെഡ്മാസ്റ്ററും കൂട്ടായ്മയിലെ മുതിർന്ന അംഗവുമായ വി.വി. കുഞ്ഞികൃഷ്ണൻ മാസ്റ്റർ സംഗമത്തിന്റെ ഉദ്ഘാടനം നിർവഹിച്ചു. ചടങ്ങിൽ സ്നേഹത്തണൽ ചെയർപേഴ്സൺ പി.ജെ. ഫിലോമിന അധ്യക്ഷത വഹിച്ചു. അമ്പതാം വിവാഹ വാർഷികം ആഘോഷിക്കുന്ന പൂർവ്വ അധ്യാപിക പി.പി. സരോജിനി – പി.കെ. നാരായണൻ ദമ്പതികളെ ചടങ്ങിൽ വെച്ച് ആദരിച്ചു. പി. ഗോവിന്ദൻ നമ്പ്യാർ, വി. സുലോചന, എം.വി. നാരായണി, എൻ.പി. അബ്ദുള്ളക്കുട്ടി, കെ. ദിവാകരൻ, കെ.വി. ജയപ്രകാശ്, ടി. ഗംഗാധരൻ തുടങ്ങിയവർ ചടങ്ങിൽ ആശംസകൾ നേർന്നു സംസാരിച്ചു.