ശ്രീകണ്ഠാപുരം വാർത്തകൾ

ഉളിക്കൽ: മാധ്യമ പ്രവർത്തകരുടെ സ്വതന്ത്ര ട്രേഡ് യൂണിയനായ കേരള മീഡിയ പേഴ്സൺസ് യൂണിയൻ (കെഎംപിയു) ഇരിട്ടി മേഖല കമ്മിറ്റിയുടെ ആഭിമുഖ്യത്തിൽ അനുമോദന സദസ് സംഘടിപ്പിച്ചു. ഉളിക്കൽ വ്യാപാരഭവനിൽ നടന്ന ചടങ്ങിൽ മാധ്യമ പ്രവർത്തകരുടെ മക്കളിൽ എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയവരെ അനുമോദിച്ചു. കെഎംപിയു സംസ്ഥാന പ്രൊജക്റ്റ്‌ കോ ഓർഡിനേറ്ററും എൻജിഒ കൺവീനറുമായ സുവീഷ് ബാബു ഇരിട്ടി ഉദ്ഘാടനം ചെയ്തു. കെഎംപിയു കണ്ണൂർ ജില്ല മുൻ പ്രസിഡന്റ്‌ വിൽസൺ ചാക്കോ അധ്യക്ഷത വഹിച്ചു. ഇരിട്ടി മേഖല സെക്രട്ടറി പി.എം.ഷിബു ആമുഖ പ്രഭാഷണം നടത്തി. അമൽ ഷാജു, ജോസഫ് സുനിൽ, റീനറ്റ് റോസ് ഷിബു എന്നിവരെയാണ് അനുമോദിച്ചത്. കെ.കെ. ഹരിദാസൻ, എം.കെ. ഉണ്ണികൃഷ്ണൻ, ജസ്റ്റിൻ തോമസ്, സുനിൽ കെ. പീറ്റർ, വി.എൽ.ഷാജു, ഷിജോ ജേക്കബ്, കെ.കെ.ദിലീഷ്, വി.വി. പുരുഷോത്തമൻ, പി. അജേഷ് എന്നിവർ പ്രസംഗിച്ചു. ▪️ റിപ്പോർട്ടർ: തോമസ് അയ്യങ്കനാൽ