ശ്രീകണ്ഠാപുരം വാർത്തകൾ

ചെമ്പേരി: ദേശീയ ഡോക്ടേഴ്സ് ഡേ ആചരണത്തിൻ്റെ ഭാഗമായി ചെമ്പേരി ലയൺസ് ക്ലബിൻ്റെ ആഭിമുഖ്യത്തിൽ പൂപ്പറമ്പ് പിഎച്ച്സിയിലെ ഡോ. സീന ജോസിനെ ആദരിച്ചു. ചെമ്പേരി ലയൺസ് ക്ലബ് പ്രസിഡൻ്റ് ജോഷി കുന്നത്ത്, സെക്രട്ടറി ജിജി ഏബ്രഹാം എന്നിവർ ചേർന്ന് ഡോക്ടറെ പൊന്നാടയണിയിച്ചു. ചടങ്ങിനോടനുബന്ധിച്ച് ലയൺസ് ക്ലബിൻ്റെ സർവീസ് പ്രൊജക്ടിന്റെ ഭാഗമായി പൂപ്പറമ്പ് പിഎച്ച്സിയിലേക്കുള്ള വീൽചെയർ കൈമാറ്റവും നടന്നു. ഏരുവേശി ഗ്രാമപഞ്ചായത്ത് ആരോഗ്യ-ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ എൻ.കെ. ശ്രീനാഥ്, വാർഡ് മെംബർ ത്രേസ്യ അഗസ്റ്റിൻ, ഹെൽത്ത് ഇൻസ്പെക്ടർ രാജേഷ്, സോയിച്ചൻ അഗസ്റ്റിൻ, ബിൽബിറ്റ് മാത്യു, സിജോ ഫിലിപ്പ് എന്നിവരും ആശുപത്രി ജീവനക്കാരും ചടങ്ങിൽ പങ്കെടുത്തു. ▪️ റിപ്പോർട്ടർ: തോമസ് അയ്യങ്കനാൽ