ശ്രീകണ്ഠാപുരം വാർത്തകൾ

ചെമ്പന്തൊട്ടി: ചെമ്പന്തൊട്ടി സെൻ്റ് ജോർജ് ഫൊറോന ഇടവകയിൽ പുതുതായി നിർമിക്കുന്ന അത്യാധുനിക എസി ഓഡിറ്റോറിയത്തിൻ്റെ ശിലാസ്ഥാപന കർമ്മം നിർവഹിച്ചു. തലശേരി അതിരൂപത ആർച്ച് ബിഷപ്പ് മാർ ജോസഫ് പാംപ്ലാനിയാണ് ശിലാസ്ഥാപനം നിർവഹിച്ചത്. ഇടവകാംഗങ്ങളുടെയും ജനപ്രതിനിധികളുടെയും സാന്നിധ്യത്തിൽ പ്രാർത്ഥനാപൂർവ്വമായ ചടങ്ങുകളോടെയായിരുന്നു ശിലാസ്ഥാപനം. ചെമ്പേരി ലൂർദ് മാതാ ബസിലിക്ക റെക്ടർ ഫാ. തോമസ് തയ്യിൽ, ചെമ്പന്തൊട്ടി ഫൊറോന വികാരി ഫാ. ആന്റണി മഞ്ഞളാംകുന്നേൽ, സഹവികാരി ഫാ. ജോസഫ് പാറകാലായിൽ, ഓഡിറ്റോറിയം നിർമാണ കമ്മിറ്റി കൺവീനർ ജോസ് പന്ന്യാംമാക്കൽ എന്നിവരും അതിരൂപതയിലെ മറ്റ് വൈദികരും കമ്മിറ്റി ഭാരവാഹികളും ചടങ്ങിൽ സംബന്ധിച്ചു. ▪️ റിപ്പോർട്ടർ: തോമസ് അയ്യങ്കനാൽ