ശ്രീകണ്ഠാപുരം വാർത്തകൾ

നെല്ലിക്കുറ്റി: കേരളോദയ വായനശാല, കേരളോദയ ബാലവേദി, നെല്ലിക്കുറ്റി ഗാന്ധി മെമ്മോറിയൽ യുപി സ്കൂൾ എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച ബഷീർ ദിനാചരണ പരിപാടികൾ സ്‌കൂൾ മാനേജർ ഫാ. മാത്യു ഓലിയ്ക്കൽ ഉദ്ഘാടനം ചെയ്തു. ഏരുവേശി ഗ്രാമപഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ സോജൻ കാരാമയിൽ അധ്യക്ഷത വഹിച്ചു. യുപി സ്കൂൾ മുഖ്യാധ്യാപിക ഷാൻ്റി തോമസ് ബഷീർ ചിത്രഗാലറി ഉദ്ഘാടനം ചെയ്തു. ബഷീർ കഥാപാത്രങ്ങളുടെ വേഷപ്പകർച്ച, ചിത്രരചന , ബഷീർ പുസ്തക പ്രദർശനം, ചിത്ര പ്രദർശനം എന്നിവയുമുണ്ടായിരുന്നു. വിവിധ മത്സര വിജയികൾക്കുള്ള സമ്മാനങ്ങൾ കേരളോദയ വായനശാല സെക്രട്ടറി സാവിയോ ഇടയാടിയിൽ വിതരണം ചെയ്തു. ഏരുവേശി പഞ്ചായത്ത് മുൻ പ്രസിഡൻ്റ് മിനി ഷൈബി, ആശാ തോമസ് ആഗിൻ ഡൊമിനിക്ക്, രാജു വെട്ടുകല്ലേൽ, പ്രസാദ്, ബിനി തോമസ് എന്നിവർ നേതൃത്വം നൽകി. ▪️ റിപ്പോർട്ടർ: തോമസ് അയ്യങ്കനാൽ