ശ്രീകണ്ഠാപുരം വാർത്തകൾ

ചെമ്പേരി: ഏരുവേശി ഗ്രാമപഞ്ചായത്ത്, ചെമ്പേരി റോട്ടറി ക്ലബ്, മലബാർ കാൻസർ കെയർ സൊസൈറ്റി എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച സ്തനാർബുദ ബോധവത്കരണ ക്ലാസ് ഏരുവേശി ഗ്രാമപഞ്ചായത്ത് കോൺഫറൻസ് ഹാളിൽ നടന്നു. പഞ്ചായത്ത് വൈസ് പ്രസിഡൻ്റ് ജയശ്രീ ശ്രീധരൻ ഉദ്ഘാടനം ചെയ്തു. ചെമ്പേരി റോട്ടറി ക്ലബ് പ്രസിഡൻ്റ് പ്രഫ. വാസുദേവൻ നായർ അധ്യക്ഷത വഹിച്ചു. മലബാർ കാൻസർ കെയർ സൊസൈറ്റിയിലെ ഡോ. ഹർഷ ക്ലാസ് നയിച്ചു. റോട്ടറി ഡിസ്ട്രിക്ട് അസിസ്റ്റന്റ് ഗവർണർ ജയചന്ദ്രൻ, ഏരുവേശി ഗ്രാമപഞ്ചായത്ത് സെക്രട്ടറി രശ്മി, അലക്സ് കടൂക്കുന്നേൽ, ബെന്നി മടുക്കക്കുഴി, ഗ്രേസി പുളിയ്ക്കൽ, ജെസമ്മ കാവനാടിയിൽ എന്നിവർ പ്രസംഗിച്ചു. എരുവേശി പഞ്ചായത്തിലെ നൂറോളം വനിതകൾ ക്ലാസിൽ പങ്കെടുത്തു. ▪️ റിപ്പോർട്ടർ: തോമസ് അയ്യങ്കനാൽ