ശ്രീകണ്ഠാപുരം വാർത്തകൾ

പയ്യാവൂർ: ശ്രീകണ്ഠപുരം രാജീവ് ഗാന്ധി സഹകരണ ആശുപത്രി, പയ്യാവൂർ വൈസ്മെൻ ക്ലബ് എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച സൗജന്യ മെഡിക്കൽ ക്യാമ്പ് ചീത്തപ്പാറ ഉന്നതിയിൽ നടന്നു. പയ്യാവൂർ ഗ്രാമപഞ്ചായത്ത് പ്രസിഡൻ്റ് സിന്ധു ബെന്നി ഉദ്ഘാടനം ചെയ്തു. പയ്യാവൂർ വൈസ്മെൻ ക്ലബ് പ്രസിഡൻ്റ് ജോൺ മണിയൻകുളം അധ്യക്ഷത വഹിച്ചു. ക്ലബ് സെക്രട്ടറി കരംചന്ദ് ആമുഖ പ്രഭാഷണം നടത്തി. എസ്എസ്എൽസി പരീക്ഷയിൽ ഉന്നത വിജയം നേടിയ ചീത്തപ്പാറ ഉന്നതിയിലെ വിദ്യാർത്ഥികളെ ചടങ്ങിൽ അനുമോദിച്ചു. ബേബി മുല്ലക്കരി, ജോസ് പരത്തനാല്‍, സുനിൽകുമാർ ബാലകൃഷ്ണൻ, രാജീവ് ഗാന്ധി ആശുപത്രി പ്രസിഡൻ്റ് ടി.പി. അഷ്റഫ്, മനോജ് കുഴിത്തോട്ട് എന്നിവർ പ്രസംഗിച്ചു ▪️ റിപ്പോർട്ടർ: തോമസ് അയ്യങ്കനാൽ