ശ്രീകണ്ഠാപുരം വാർത്തകൾ

പയ്യാവൂർ : തലശേരി അതിരൂപതാതല സമർപ്പിത സംഗമം ഇന്നലെ (ശനി) ചെമ്പേരി ലൂർദ് മാതാ ബസിലിക്കയിൽ നടന്നു. അതിരൂപത ചാൻസലർ ഫാ. ഡോ. ജോസഫ് മുട്ടത്തുകുന്നേൽ കാർമികത്വം വഹിച്ച ആരാധനയെ തുടർന്ന് ആർച്ച് ബിഷപ്പ് മാർ ജോസഫ് പാംപ്ലാനി സംഗമം ഉദ്ഘാടനം ചെയ്തു. അതിരൂപത വികാരി ജനറാൾ മോൺ. ആൻ്റണി മുതുകുന്നേൽ ആമുഖ പ്രഭാഷണം നടത്തി. ചെമ്പേരി ബസിലിക്ക റെക്ടർ ഫാ. തോമസ് തയ്യിൽ, പ്രൊവിൻഷ്യൽ സുപ്പീരിയർമാർ എന്നിവർ പ്രസംഗിച്ചു. ദീപിക ബാലസഖ്യം (ഡിസിഎൽ) കൊച്ചേട്ടൻ ഫാ. റോയി കണ്ണൻചിറ സിഎംഐ ‘സമർപ്പിതർ സമുദായ ശാക്തികരണത്തിന് ‘ എന്ന വിഷയത്തിൽ ക്ലാസെടുത്തു. ഉച്ചഭക്ഷണത്തിന് ശേഷം വിവിധ കലാപരിപാടികൾ അരങ്ങേറി. തുടർന്ന് നടന്ന ചോദ്യോത്തര വേളയിൽ ആർച്ച് ബിഷപ്പ് മാർ ജോസഫ് പാംപ്ലാനി നേതൃത്വം നൽകി. ▪️ റിപ്പോർട്ടർ: തോമസ് അയ്യങ്കനാൽ