ശ്രീകണ്ഠാപുരം വാർത്തകൾ

ശ്രീകണ്ഠപുരം നഗരസഭ കുടുംബശ്രീ സി.ഡി.എസ്. ന്റെ നേതൃത്വത്തിൽ സംഘടിപ്പിക്കുന്ന കർക്കിടക ചന്തയുടെ ഉദ്ഘാടനം നഗരസഭ ചെയർമാൻ അഡ്വ. ഇ.വി. രാമകൃഷ്ണൻ നിർവഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഡാൻസി ജോസഫ് കൊല്ലമന അധ്യക്ഷത വഹിച്ചു. കുടുംബശ്രീ സി.ഡി.എസ്. ചെയർപേഴ്സൺ ഷംന ജയരാജ് സ്വാഗതം പറഞ്ഞ പരിപാടിയിൽ നഗരസഭാ സ്ഥിരം സമിതി അധ്യക്ഷന്മാരായ കെ വി കുഞ്ഞിരാമൻ, കെ ബിജു, പി നൂർദീൻ, കൗൺസിലർമാരായ പ്രിയ എ കെ , ഫരീദ വി പി, സൗമ്യ ഇ പി, സുരേഷ് ബാബു, വിജിഷ മനോജ്‌, കെ പ്രേദീപൻ, കുടുംബശ്രീ മെമ്പർ സെക്രട്ടറി വി പ്രേമരാജൻ തുടങ്ങിയവർ പങ്കെടുത്തു. കർക്കിടക മാസത്തോടനുബന്ധിച്ച് കുടുംബശ്രീ സംരംഭകർ തയ്യാറാക്കുന്ന വിവിധ പരമ്പരാഗത ഉൽപ്പന്നങ്ങളും ഭക്ഷ്യവിഭവങ്ങളും ചന്തയിൽ ലഭ്യമാകും. മില്ലറ്റ് പായസം മത്സരവും നടത്തി. സരസ്വതി കെ ഒന്നാം സ്ഥാനത്തിന് അർഹയായി പ്രിയ എ കെ, ഉഷാകുമാരി കെ കെ എന്നിവർ രണ്ടും മൂന്നും സ്ഥാനങ്ങൾക്ക്‌ അർഹരായി