ശ്രീകണ്ഠാപുരം വാർത്തകൾ

ചെങ്ങളായി : എഴുപത്തിയാറാം റിപ്പബ്ലിക് ദിനത്തോടനുബന്ധിച്ച് കേരളാ സ്റ്റേറ്റ് ലൈബ്രറി കൗൺസിലിന്റെ നിർദ്ദേശപ്രകാരം ഒരു മാസം നീണ്ടുനിൽക്കുന്ന റിപ്പബ്ലിക് സദസ് പരിപാടിയോടനുബന്ധിച്ച് ചെങ്ങളായി ഗ്രാമോദ്ധാരണ ഗ്രന്ഥാലയം വായനശാലയുടേയും വനിതാവേദിയുടേയും ചാച്ചാജി കുട്ടിക്കൂട്ടത്തിന്റേയും നേതൃത്വത്തിൽ അക്ഷകരോൾ സംഘടിപ്പിച്ചു. വീടുകളിൽ ഇന്ത്യൻ ഭരണഘടനയുടെ ആമുഖം വിതരണം ചെയ്തു. ചെങ്ങളായി ഗ്രാമ പഞ്ചായത്ത് അംഗം നഫീസ പി കെ കരോൾ സംഘത്തെ ഫ്ലാഗ് ഓഫ് ചെയ്തു. കെ എം പി മുഹമ്മദ് കുഞ്ഞി, എം പി കുഞ്ഞിമൊയ്തീൻ, എം വി പത്മനാഭൻ, വി അരുൺകുമാർ, ബീന ഷൈജു, സുമിത്ര സജീവൻ തുടങ്ങിയവർ സംസാരിച്ചു.