ശ്രീകണ്ഠാപുരം വാർത്തകൾ

ചെമ്പേരി: ഏറ്റുപാറ വിശുദ്ധ അൽഫോൻസ തീർത്ഥാടന പള്ളിയിൽ പത്ത് ദിവസത്തെ തിരുനാൾ ആഘോഷങ്ങൾക്ക് തുടക്കം കുറിച്ച് വികാരി ഫാ. ഗിഫ്റ്റിൻ മണ്ണൂർ കൊടിയേറ്റി തിരുസ്വരൂപ പ്രതിഷ്‌ഠയും നടത്തി. തുടർന്ന് വിശുദ്ധ കുർബാന, വചന സന്ദേശം നൊവേന എന്നിവക്ക് ഫാ. മനു മാത്യു മാന്തറ സിഎസ്ടി കാർമികത്വം വഹിച്ചു. 27 വരെ എല്ലാ ദിവസവും വൈകുന്നേരം 3.45 ന് ആരാധനയും 4.15 മുതൽ വിശുദ്ധ കുർബാന, വചന സന്ദേശം, നൊവേന എന്നിവയുണ്ടായിരിക്കും. ഫാ. ജോമി തൊട്ടിയിൽ, ഫാ. ജോസ് മണ്ണൂർ, ഫാ. ചാക്കോ കളപ്പുരയ്ക്കൽ, ഫാ. റോബിൻ കാരിക്കാട്ട് എംസിബിഎസ്, ഫാ. ബോഡ് വിൻ അട്ടാറയ്ക്കൽ, ഫാ. തോമസ് ആമക്കാട്ട്, ഫാ. ജോസഫ് ചെരിയംകുന്നേൽ, ഫാ. സാബു പുതുശേരി എന്നിവർ വിവിധ ദിവസങ്ങളിൽ തിരുക്കർമങ്ങൾക്ക് നേതൃത്വം നൽകും. 28 ന് രാവിലെ 10 ന് ആഘോഷമായ തിരുനാൾ കുർബാന, വചന സന്ദേശം, ലദീഞ്ഞ് എന്നിവക്ക് തലശേരി അതിരൂപത ചാൻസലർ ഫാ. ജോസഫ് മുട്ടത്തുകുന്നേൽ മുഖ്യ കാർമികത്വം വഹിക്കും. 12.30 ന് വിശുദ്ധ അൽഫോൻസാമ്മയുടെ രൂപം വാഴിയ്ക്കൽ, സമാപനാശീർവാദം, പാച്ചോർ നേർച്ച എന്നിവയോടെ തിരുനാളിന് കൊടിയിറങ്ങും. 🗞️📝 റിപ്പോർട്ടർ: തോമസ് അയ്യങ്കനാൽ