ശ്രീകണ്ഠാപുരം വാർത്തകൾ

ശ്രീകണ്ഠപുരം: നീറ്റ് പരീക്ഷ അട്ടിമറിച്ച കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജിവെക്കണമെന്ന് ആവശ്യപ്പെട്ട് ഡൽഹിയിൽ വിദ്യാർത്ഥികളും യുവാക്കളും നടത്തുന്ന സമരത്തിന് ഐക്യദാർഢ്യം പ്രഖ്യാപിച്ച് സിഐടിയു, എഐകെഎസ്, കെഎസ്കെടിയു, ഡിവൈഎഫ്ഐ, ജനാധിപത്യ മഹിളാ അസോസിയേഷൻ തുടങ്ങിയ സംഘടനകൾ ശ്രീകണ്ഠപുരത്ത് സംയുക്ത പ്രകടനം നടത്തി. സിഐടിയു ജില്ലാ വൈസ് പ്രസിഡന്റ് എം സി ഹരിദാസൻ ഉദ്ഘാടനം ചെയ്തു. ജനാധിപത്യ മഹിളാ അസോസിയേഷൻ ഏരിയാസെക്രട്ടറി കെ കെ ശൈലജ അധ്യക്ഷയായി. എം അനിൽകുമാർ സ്വാഗതം പറഞ്ഞു, ടി എം ജോഷി, പി മാധവൻ, എം ബാബുരാജ്, കെ ശ്രീജിത്ത്‌ തുടങ്ങിയവർ സംസാരിച്ചു.