ശ്രീകണ്ഠാപുരം വാർത്തകൾ

ശ്രീകണ്ഠപുരം: കാർഷിക വിജ്ഞാന വ്യാപനം ശക്തിപ്പെടുത്തുക എന്ന ലക്ഷ്യത്തോടെ കൃഷിവകുപ്പിന്റെ നേതൃത്വത്തിൽ ശ്രീകണ്ഠപുരം നഗരസഭയും കൃഷിഭവനും സംയുക്തമായി കർഷകസഭയും ഞാറ്റുവേല ചന്തയും സംഘടിപ്പിച്ചു. നഗരസഭ വൈസ് ചെയർപേഴ്സൺ നിഷിദ റഹ്മാൻ ഉദ്ഘാടനം ചെയ്ത പരിപാടിയിൽ നഗരസഭ വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ കെ വി കുഞ്ഞിരാമൻ മാസ്റ്റർ അധ്യക്ഷത വഹിച്ചു. നഗരസഭ സ്ഥിരം സമിതി അധ്യക്ഷൻ മാരായ ഝാൻസി ജോസഫ് കൊല്ലമന, പി നൂർദ്ധീൻ, കെ ബിജു, തുടങ്ങിയവർ ആശംസകൾ അറിയിച്ച് സംസാരിച്ചു. കൃഷി അസിസ്റ്റന്റ് ഓഫീസർ ഹരി കെ സ്വാഗതം പറഞ്ഞ പരിപാടിയിൽ കൃഷി അസിസ്റ്റന്റ് സിജിന ഇ. സീനത്ത് കെ തുടങ്ങിയവർ നേതൃത്വം നൽകി. കൃഷി അസിസ്റ്റന്റ് വീണ എം വി ചടങ്ങിന് നന്ദി പറഞ്ഞു. കർഷകർ മായുള്ള ചർച്ചയും, കാർഷിക ഉൽപ്പന്നങ്ങളുടെ വിപണനവും നടത്തി.