ശ്രീകണ്ഠാപുരം വാർത്തകൾ

ശ്രീകണ്ഠാപുരം: തളിപ്പറമ്പ് പ്രാഥമിക സഹകരണ കാർഷിക ഗ്രാമ വികസന ബാങ്കിന്റെ നവീകരിച്ച ശ്രീകണ്ഠാപുരം ശാഖയുടെ ഉദ്ഘാടനം ഫെബ്രുവരി 17 ചൊവ്വാഴ്ച ഉച്ചയ്ക്ക് 1.30-ന് നടക്കും. കണ്ണൂർ ജില്ലാ പഞ്ചായത്ത് പ്രസിഡന്റ് ശ്രീ. ബിനോയ് കുര്യൻ ഉദ്ഘാടനകർമ്മം നിർവ്വഹിക്കും. ബാങ്ക് പ്രസിഡന്റ് ശ്രീ. എം. കരുണാകരൻ ചടങ്ങിൽ അധ്യക്ഷത വഹിക്കും. ശ്രീകണ്ഠാപുരം മുനിസിപ്പാലിറ്റി, പയ്യാവൂർ, ഏരുവേശ്ശി, ഇരിക്കൂർ, മലപ്പട്ടം, ചെങ്ങളായി എന്നീ പഞ്ചായത്തുകൾ ഉൾപ്പെടുന്നതാണ് ഈ ശാഖയുടെ പരിധി. നിലവിൽ 11,069 മെമ്പർമാരും 1694 വായ്പക്കാരുമുള്ള ബാങ്കിന് 50.31 കോടി രൂപയുടെ വായ്പാ നിക്ഷേപവുമുണ്ട്. സ്ട്രോങ്ങ് റൂം ഉദ്ഘാടനം: ശ്രീകണ്ഠാപുരം മുനിസിപ്പൽ ചെയർപേഴ്സൺ ശ്രീ. ഇ.വി. രാമകൃഷ്ണൻ നിർവ്വഹിക്കും. സഹകരണ റിസ്ക് ഫണ്ട് വിതരണം: ചികിത്സാ/മരണാനന്തര സഹായ വിതരണം ഹാൻവീവ് ചെയർമാൻ ശ്രീ. ടി.കെ. ഗോവിന്ദൻ മാസ്റ്റർ നിർവ്വഹിക്കും. നവീകരണ പ്രവൃത്തി പൂർത്തിയാക്കിയ കൂട്ടുമുഖം ബാക്കോ സൊസൈറ്റിക്കുള്ള ആദരം ജോയിന്റ് രജിസ്ട്രാർ (കണ്ണൂർ) ശ്രീമതി എം.കെ. സൈബുന്നീസ നിർവ്വഹിക്കും. ചടങ്ങിൽ തളിപ്പറമ്പ് അസിസ്റ്റന്റ് രജിസ്ട്രാർ കെ.വി. പവിത്രൻ, കാർഷിക ബാങ്ക് കണ്ണൂർ റീജിയണൽ മാനേജർ വി. ശ്രീകല, കെ.എസ്.എഫ്.ഇ ഡയറക്ടർ എം.സി. രാഘവൻ, വിവിധ രാഷ്ട്രീയ പാർട്ടി പ്രതിനിധികൾ, വ്യാപാരി വ്യവസായി സംഘടന നേതാക്കൾ എന്നിവർ ആശംസകൾ നേർന്ന് സംസാരിക്കും. ബാങ്ക് വൈസ് പ്രസിഡന്റ് കെ.കെ. ഭാസ്കരൻ സ്വാഗതവും സെക്രട്ടറി സുരേഷ് പാച്ചേനി നന്ദിയും രേഖപ്പെടുത്തും.