ശ്രീകണ്ഠാപുരം വാർത്തകൾ

ചെമ്പേരി: കളഞ്ഞുകിട്ടിയ സ്വർണം ഉടമയെ കണ്ടെത്തി തിരികെ നൽകി ഹരിതകർമ സേനാംഗം സമൂഹത്തിന് മാതൃകയായി. ഏരുവേശി ഗ്രാമപഞ്ചായത്തിലെ ഹരിതകർമ സേനാംഗമായ റീന പ്രകാശൻ പാറക്കടവനാണ് ചെമ്പേരി ടൗണിൽ നിന്ന് ഒരു പവനിലേറെ തൂക്കമുള്ള സ്വർണമാല കളഞ്ഞു കിട്ടിയത്. ആദ്യം മാല പഞ്ചായത്ത് സെക്രട്ടറിയെ ഏൽപ്പിക്കുകയാണുണ്ടായത്. തുടർന്ന് പഞ്ചായത്ത് പ്രസിഡൻ്റ് ജോസ് പരത്തനാൽ, വാർഡ് മെംബർമാർ, കുടിയാന്മല സബ് ഇൻസ്പെക്ടർ രാധാകൃഷ്ണൻ, പഞ്ചായത്ത് സെക്രട്ടറി രശ്മി രാജീവ്എന്നിവരുടെ സാന്നിധ്യത്തിലാണ് ഉടമയായ ഇരുമ്പനയ്ക്കൽ ബിന്ദുവിന് മാല കൈമാറിയത്. റീനയുടെ മാതൃകാപരമായ പ്രവൃത്തിയെ പഞ്ചായത്ത് പ്രസിഡൻ്റ് അനുമോദിച്ചു. ▪️ റിപ്പോർട്ടർ: തോമസ് അയ്യങ്കനാൽ