ശ്രീകണ്ഠാപുരം വാർത്തകൾ

പയ്യാവൂർ: ലോക പരിസ്ഥിതി ദിനാചരണത്തോടനുബന്ധിച്ച് കേരള വ്യാപാരി വ്യവസായി ഏകോപന സമിതി പയ്യാവൂർ യൂണിറ്റിന്റെ ആഭിമുഖ്യത്തിൽ വൃക്ഷത്തൈ നടീലും മധുരപലഹാര വിതരണവും സംഘടിപ്പിച്ചു. പയ്യാവൂർ ബസ് സ്റ്റാൻഡിന് സമീപമുള്ള മർച്ചന്റ് ടവറിന് മുൻവശത്ത് വൃക്ഷത്തൈ നട്ടുകൊണ്ട് പരിപാടിയുടെ ഉദ്ഘാടനം നിർവ്വഹിച്ചു. വ്യാപാരി നേതാക്കളായ കെ. സുരേഷ് കുമാർ, ജോസുകുട്ടി കുര്യൻ, പി.വി. രാമചന്ദ്രൻ, കെ.വി. പ്രകാശൻ, ബെന്നി പുളിയ്ക്കൽ, ബെന്നി കുളങ്ങരേത്ത് എന്നിവർ പരിപാടികൾക്ക് നേതൃത്വം നൽകി. ചടങ്ങിൽ പങ്കെടുത്ത വ്യാപാരികൾക്കും പൊതുജനങ്ങൾക്കും മധുരപലഹാരങ്ങളും വിതരണം ചെയ്തു. ▪️ റിപ്പോർട്ടർ: തോമസ് അയ്യങ്കനാൽ