ശ്രീകണ്ഠാപുരം വാർത്തകൾ

പയ്യാവൂർ: തെരഞ്ഞെടുപ്പ് പ്രഖ്യാപിച്ചതിന് തൊട്ടു പിന്നാലെ നെടിയേങ്ങ മണ്ഡലത്തിൽ മറ്റ് പാർട്ടികളിൽ നിന്നുള്ള നിരവധി നേതാക്കളും പ്രവർത്തകരും കോൺഗ്രസിലേക്കെത്തുന്നു. എൽഡിഎഫ് ഘടകകക്ഷികളിലെ മണ്ഡലം ഭാരവാഹികൾ ഉൾപ്പെടെയുള്ള നേതാക്കളും പ്രവർത്തകരുമാണ് കോൺഗ്രസിൽ ചേർന്നത്. സജീവ് ജോസഫ് എംഎൽഎ ഇവരെ ഷാൾ അണിയിച്ച് സ്വീകരിച്ചു. ശ്രീകണ്ഠപുരം നഗരസഭാ ചെയർമാൻ ഇ.വി. രാമകൃഷ്ണൻ, മുൻ ചെയർപേഴ്സൺ ഡോ.കെ.വി. ഫിലോമിന, കോൺഗ്രസ് നെടിയേങ്ങ മണ്ഡലം പ്രസിഡൻ്റ് ജിയോ ജേക്കബ്, കണ്ണൂർ ഡിസിസി സെക്രട്ടറി കെ.പി. ഗംഗാധരൻ, കുര്യൻ, പി.ഐ. മാത്യു, പ്രകാശൻ നെടിയേങ്ങ, ഷിനോ പാറയ്ക്കൽ, ജോസഫീന വർഗീസ്, ബാബു ചെറുശേരി, ഐസക്ക് കാഞ്ഞിരത്തിങ്കൽ, ഇബ്രാഹിം, പി.സി. ജോസ്, റോയി ഈറ്റയ്ക്കൽ, ബിജു തുണ്ടിയിൽ, ശ്രീകണ്ഠപുരം നഗരസഭാ കൗൺസിലർമാരായ പ്രമോദ് നെടിയേങ്ങ, കുഞ്ഞിരാമൻ, മിനി ചാലുങ്കൽ, എ.കെ. പ്രിയ എന്നിവർ പ്രസംഗിച്ചു.