ശ്രീകണ്ഠാപുരം വാർത്തകൾ

പരിയാരം: അടിയന്തര ശസ്ത്രക്രിയ ആവശ്യമായ കിടപ്പുരോഗിക്കായി ചികിത്സാ സഹായം തേടുന്നു. പരിയാരം മുടിക്കാനത്തെ രാജീവ് ഗോപാലൻ പതിനഞ്ച് വർഷം വർഷം മുൻപ് മരത്തിൽ നിന്ന് വീണ് ഗുരുതരമായി പരിക്കേറ്റതിനെ തുടർന്നാണ് കിടപ്പിലായത്. ലോട്ടറി വൽപ്പന നടത്തി ജീവിതം നയിച്ചിരുന്ന നിർധന കുടുംബാംഗമായ ഇദ്ദേഹത്തിൻ്റെ കാലിനും നട്ടെല്ലിനും ഇപ്പോൾ പഴുപ്പ് ബാധിച്ച് ജീവൻ തന്നെ അപകടത്തിലായ അവസ്ഥയിലാണ്. അടിയിന്തിര ശസ്ത്രക്രിയ നടത്തണമെന്നാണ് ഡോക്ടർമാരുടെ നിർദ്ദേശം. ശസ്ത്രക്രിയക്ക് രണ്ട് ലക്ഷത്തോളം രൂപ ആവശ്യമാണ്. ഭാര്യയും പ്രായമായ അമ്മയും മാത്രമുള്ള കുടുംബത്തിന് വരുമാന മാർഗങ്ങൾ ഒന്നുമില്ല. ശസ്ത്രക്രിയക്കാവശ്യമായ ധനസമാഹരണത്തിനായി സിന്ധു സേവ്യർ കൺവീനറായ ചികിത്സാ സഹായ കമ്മിറ്റി പ്രവർത്തിക്കുന്നുണ്ട്. സുമനസുകളുടെ സഹായം കൺവീനറുടെ 9744878323 എന്ന ഗൂഗിൾ പേ നമ്പറിലേക്ക് നൽകാവുന്നതാണ്. റിപ്പോർട്ടർ: തോമസ് അയ്യങ്കനാൽ