ശ്രീകണ്ഠാപുരം വാർത്തകൾ

പയ്യാവൂർ: പയ്യാവൂർ കോയിപ്ര സുബ്രഹ്മണ്യസ്വാമി ക്ഷേത്രത്തിന്റെ പുതിയ നിർമ്മാണ പ്രവർത്തനങ്ങൾക്ക് ഭക്തിനിർഭരമായ തുടക്കം. ക്ഷേത്ര നിർമ്മാണത്തിന്റെ ആദ്യഘട്ടമായ കുറ്റിയടിക്കൽ കർമ്മം പ്രമുഖ വാസ്തുശില്പി കലവൂർ ഉത്തമനാചാരിയുടെ മുഖ്യ കാർമ്മികത്വത്തിൽ നിർവ്വഹിച്ചു. ​ക്ഷേത്രം പ്രസിഡന്റ് ജയരാജൻ, സെക്രട്ടറി ബിജുമോൻ എന്നിവർ ചടങ്ങുകൾക്ക് നേതൃത്വം നൽകി. എസ്.എൻ.ഡി.പി യോഗം ശാഖാ-യൂണിയൻ ഭാരവാഹികളും നിരവധി ഭക്തജനങ്ങളും ചടങ്ങിൽ സാക്ഷ്യം വഹിക്കാൻ എത്തിയിരുന്നു. ​പുരാതനമായ ക്ഷേത്രത്തിന്റെ പുനർനിർമ്മാണ പ്രവർത്തനങ്ങൾ വരും ദിവസങ്ങളിൽ ഊർജ്ജിതമായി നടക്കും. നാടിന്റെയും ഭക്തജനങ്ങളുടെയും വലിയ സഹകരണത്തോടെയാണ് പുതിയ ക്ഷേത്ര സമുച്ചയം ഒരുങ്ങുന്നത്. വരും മാസങ്ങളിൽ കൂടുതൽ നിർമ്മാണ പ്രവർത്തനങ്ങൾ പൂർത്തിയാക്കാനാണ് ക്ഷേത്ര കമ്മിറ്റി ലക്ഷ്യമിടുന്നത് ▪️ റിപ്പോർട്ടർ: തോമസ് അയ്യങ്കനാൽ