ശ്രീകണ്ഠാപുരം വാർത്തകൾ

ഏരുവേശി: ഏരുവേശി യുവജന ക്ലബ് ആൻഡ് ഗ്രന്ഥാലയത്തിന്റെ ആഭിമുഖ്യത്തിൽ വിപുലമായ പരിപാടികളോടെ സ്വാതന്ത്ര്യ ദിനം ആഘോഷിച്ചു. വായനശാല പരിസരത്ത് നടന്ന ചടങ്ങിൽ വായനശാല പ്രസിഡന്റ് എം. നാരായണൻ ദേശീയ പതാക ഉയർത്തി. തുടർന്ന് നടന്ന സ്വാതന്ത്ര്യ ദിന സന്ദേശ സമ്മേളനത്തിൽ എം. സന്തോഷ് കുമാർ, കെ.വി. രാജീവൻ എന്നിവർ സംസാരിച്ചു. ആഘോഷങ്ങളുടെ ഭാഗമായി ബാലവേദി കുട്ടികൾക്കായി ആവേശകരമായ ക്വിസ് മത്സരവും സംഘടിപ്പിച്ചിരുന്നു. സ്വാതന്ത്ര്യ ദിനാഘോഷത്തോടനുബന്ധിച്ച് എകെജി യൂത്ത് സെന്ററിന്റെ നേതൃത്വത്തിൽ മധുരപായസ വിതരണവും നടന്നു. 🗞️📝 റിപ്പോർട്ടർ: തോമസ് അയ്യങ്കനാൽ