ശ്രീകണ്ഠാപുരം വാർത്തകൾ

ശ്രീകണ്ഠപുരം: ശാസ്ത്രബോധത്തിന്റെ വെളിച്ചം സമൂഹത്തിലേക്ക് പകർന്ന കേരള ശാസ്ത്ര സാഹിത്യ പരിഷത്ത് സ്ഥാപകനേതാവ് ഡോ. എം.പി. പരമേശ്വരന്റെ അനുസ്മരണ യോഗം സംഘടിപ്പിച്ചു. കേരള ശാസ്ത്ര സാഹിത്യ പരിഷത്ത് ശ്രീകണ്ഠപുരം മേഖലാ കമ്മിറ്റിയുടെ നേതൃത്വത്തിലാണ് യോഗം ചേർന്നത്. ചടങ്ങിൽ കെ.കെ. രവി മാസ്റ്റർ അനുസ്മരണ പ്രഭാഷണം നടത്തി. എം.പി. ഗംഗാധരൻ മാസ്റ്റർ, വി.പി. വൽസരാജൻ മാസ്റ്റർ, കെ.വി. മുരളീധരൻ, പി. ഹരീഷ് മാസ്റ്റർ എന്നിവർ സംസാരിച്ചു. മേഖലാ പ്രസിഡന്റ് കെ.പി. ലളിതകുമാരി അധ്യക്ഷത വഹിച്ച ചടങ്ങിൽ മേഖലാ സെക്രട്ടറി കെ. സുധീർ സ്വാഗതം ആശംസിച്ചു.