ശ്രീകണ്ഠാപുരം വാർത്തകൾ

പയ്യാവൂർ: കർഷകദിനാചരണത്തിൻ്റെ ഭാഗമായി ചാമക്കാൽ ഗവ. എൽപി സ്‌കൂളിൽ ഇലക്കറി മഹോത്സവമൊരുക്കി. പുനം കൃഷിയുടെ ഗൃഹാതുര സ്‌മരണകൾ സ്ഥലനാമങ്ങളിൽ ഇപ്പോഴും നിലനിൽക്കുന്ന ചാമക്കാൽ, മുത്താറിക്കളം എന്നിവിടങ്ങളിൽ നിന്നായി വൈവിധ്യമാർന്ന ഇരുപത്തഞ്ചോളം ഇലകൾ ശേഖരിക്കുകയുണ്ടായി. ഇലകളുടെ പ്രദർശനത്തിനൊപ്പം അവയുപയോഗിച്ച് വ്യത്യസ്ത രീതികളിലുള്ള ഇലക്കറി വിഭവങ്ങളാണ് തയാറാക്കിയത്. സ്‌കൂൾ മുഖ്യാധ്യാപകൻ ഇ.പി. ജയപ്രകാശ്, മദർ പിടിഎ പ്രസിഡൻ്റ് സൗമ്യ ദിനേശ്, അധ്യാപകരായ ജോസ്മി ജോസ്, പി. ശിൽപ, ടി. സ്വപ്‌ന, എം.ടി. മധുസൂദനൻ, രജനി റിൻസ്, സോണിയ തോമസ്, അമിത ബാബു, ശരണ്യ സുനീഷ് എന്നിവർ നേതൃത്വം നൽകി. 🗞️📝 റിപ്പോർട്ടർ: തോമസ് അയ്യങ്കനാൽ