ശ്രീകണ്ഠാപുരം വാർത്തകൾ

ശ്രീകണ്ഠപുരം ഇനിഷ്യേറ്റിവ് ഫോർ റീഹാബിലേഷൻ ആൻഡ് പാലിയേറ്റിവ് കെയർ ശ്രീകണ്ഠപുരം സോണൽ ജനറൽ ബോഡി യോഗവും വളണ്ടിയർ സംഗമവും നടന്നു. ശ്രീകണ്ഠപുരം സി കെ സ്മാരക ഹാളിൽ നടന്ന പരിപാടി ഐആർപിസി കണ്ണൂർ ജില്ലാ ചെയർമാൻ എം പ്രകാശൻ ഉദ്ഘാടനം ചെയ്തു. ശ്രീകണ്ഠപുരം സോണൽ ചെയർമാൻ വി പി മോഹനൻ അധ്യക്ഷനായി. കൺവീനർ കെ പി കുമാർ സ്വാഗതം പറഞ്ഞു. സിപിഐ എം ജില്ലാ സെക്രട്ടറിയേറ്റ് അംഗം പി വി ഗോപിനാഥ്, ശ്രീകണ്ഠപുരം ഏരിയ സെക്രട്ടറി എം സി രാഘവൻ, ഐആർപിസി ജില്ലാ ഗവേണിങ്ങ് ബോഡി അംഗം കെ വി ഗോവിന്ദൻ, എം ബാബുരാജ് തുടങ്ങിയവർ സംസാരിച്ചു. ഭാരവാഹികൾ: കെ പി കുമാരൻ(കൺവീനർ), പി പി ലക്ഷ്മണൻ, കെ പി രാമകൃഷ്ണൻ (ജോയിന്റ് കൺവീനർ). വി പി മോഹനൻ (ചെയർമാൻ). പി ജനാർദ്ദനൻ, എ സി ഷീജ(വൈസ് ചെയർമാൻ), എം ബാബുരാജ് (ട്രഷർ).