ശ്രീകണ്ഠാപുരം വാർത്തകൾ

ഇന്ത്യൻ സ്വാതന്ത്ര്യത്തിന്റെ എൺപതാം പിറന്നാൾ ചെങ്ങളായി ഗ്രാമോദ്ധാരണ ഗ്രന്ഥാലയം & വായനശാലയുടെ നേതൃത്വത്തിൽ സമുചിതമായി ആഘോഷിച്ചു. രാവിലെ പതാകാവന്ദനത്തിനു ശേഷം മധുര പലഹാര വിതരണം നടത്തി. വൈകുന്നേരം ഗ്രന്ഥാലയം ഭരണ സമിതിയുടെ നേതൃത്വത്തിൽ “സ്വതന്ത്ര്യ സ്മൃതി സദസ്സ്” സംഘടിപ്പിച്ചു. പ്രസിഡണ്ട് കെ ദിവാകരൻ അധ്യക്ഷം വഹിച്ചു. അഡ്വ. കെ എം പി മുഹമ്മദ് കുഞ്ഞി ഉദ്ഘാടനം ചെയ്തു. എം വി പത്മനാഭൻ, വി അരുൺ കുമാർ, അജയൻ എ, പി വി ബഷീർ തുടിങ്ങിയവർ സംസാരിച്ചു.