ശ്രീകണ്ഠാപുരം വാർത്തകൾ

കുടിയാൻമല: ലോക സൗഹൃദ ദിനാചരണത്തിൻ്റെ ഭാഗമായി കുടിയാൻമല ഫാത്തിമ യുപി സ്‌കൂളിൽ സംഘടിപ്പിച്ച ചങ്ങാതിക്കൊരു മരം പരിപാടിയിൽ വിദ്യാർത്ഥികൾ വൃക്ഷത്തൈകൾ കൈമാറി. സ്കൂൾ ലീഡർ അന്ന സെലിൻ ജിജേഷ് എക്കോ ക്ലബ് ലീഡർ നേഹ മരിയ ബൈജുവിന് റോസാച്ചെടി നൽകി ഉദ്ഘാടനം ചെയ്തു. കൂട്ടായ പരിസ്ഥിതി സംരക്ഷണത്തിൻ്റെ പ്രാധാന്യം സംബന്ധിച്ച് എക്കോ ക്ലബ് കൺവീനർ ബെൽജിമോൾ പ്രഭാഷണം നടത്തി. സ്‌കൂൾ മുഖ്യാധ്യാപിക മിനി ഏബ്രഹാം, അധ്യാപകരായ അശ്വതി മോഹനൻ, എബിൻ ബേബി, നീതുമോൾ ആൻ്റണി, എന്നിവർ നേതൃത്വം നൽകി. 🗞️📝 റിപ്പോർട്ടർ: തോമസ് അയ്യങ്കനാൽ