ശ്രീകണ്ഠാപുരം വാർത്തകൾ

ചന്ദനക്കാംപാറ: കായിക പ്രേമികളെ ആവേശത്തിലാഴ്ത്തി ചന്ദനക്കാംപാറ ചെറുപുഷ്‌പം സ്പോർട്‌സ് അക്കാദമിയുടെ ആഭിമുഖ്യത്തിൽ സംഘടിപ്പിച്ച നാൽപ്പതാമത് അഖില കേരള പുരുഷ-വനിത ബാസ്ക്കറ്റ്ബോൾ ടൂർണമെൻ്റിന് ആവേശകരമായ സമാപനം. വാശിയേറിയ പുരുഷ വിഭാഗം ഫൈനലിൽ എതിരാളികളെ പരാജയപ്പെടുത്തി ചന്ദനക്കാംപാറ ചെറുപുഷ്‌പം ടീം ജേതാക്കളായി. നാൽപ്പത് വർഷത്തെ പാരമ്പര്യമുള്ള ഈ ടൂർണമെൻ്റിൽ കേരളത്തിൻ്റെ വിവിധ ഭാഗങ്ങളിൽ നിന്നുള്ള പ്രമുഖ ടീമുകളാണ് മാറ്റുരച്ചത്. ഫൈനൽ മത്സരത്തിന് ശേഷം നടന്ന വർണ്ണാഭമായ ചടങ്ങിൽ വിജയികൾക്കുള്ള ട്രോഫികൾ വിതരണം ചെയ്തു. വിജയികളായ ചെറുപുഷ്‌പം ടീമംഗങ്ങൾ സംഘാടകർക്കും വിശിഷ്‌ടാതിഥികൾക്കുമൊപ്പം ട്രോഫി ഏറ്റുവാങ്ങി സന്തോഷം പങ്കിട്ടു. കായിക പ്രതിഭകളെ പ്രോത്സാഹിപ്പിക്കുന്നതിനും പ്രാദേശിക തലത്തിൽ ബാസ്‌ക്കറ്റ്‌ബോൾ വളർത്തുന്നതിനും ചെറുപുഷ്‌പം സ്പോർട്‌സ് അക്കാദമി നടത്തുന്ന പ്രവർത്തനങ്ങൾ അഭിനന്ദനാർഹമാണെന്ന് ചടങ്ങിൽ സംസാരിച്ച വിശിഷ്‌ടാതിഥികൾ അഭിപ്രായപ്പെട്ടു. ▪️ റിപ്പോർട്ടർ: തോമസ് അയ്യങ്കനാൽ