ശ്രീകണ്ഠാപുരം വാർത്തകൾ

ചെങ്ങളായി ഗ്രാമപഞ്ചായത്ത് പരിധിയിലെ രജിസ്ട്രേഡ് ക്ലബുകൾക്കുള്ള സ്പോർട്സ് കിറ്റ് വിതരണവും കേരളോത്സവത്തിലെ ബ്ലോക്ക്, ജില്ലാ തല വിജയികൾക്കുള്ള അനുമോദനവും പഞ്ചായത്ത് കോൺഫറൻസ് ഹാളിൽ നടന്നു. കണ്ണൂർ ജില്ലാ പഞ്ചായത്ത് ആരോഗ്യ, വിദ്യാഭ്യാസ കാര്യ സ്റ്റാൻഡിംഗ് കമ്മിറ്റി ചെയർമാൻ പി. രവീന്ദ്രൻ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡൻ്റ് ബി.പി. വിപിന അധ്യക്ഷത വഹിച്ചു. പഞ്ചായത്ത് അസിസ്റ്റൻ്റ് സെക്രട്ടറി പി.യു. താഹിറ ആമുഖ പ്രഭാഷണം നടത്തി. വൈസ് പ്രസിഡൻ്റ് കെ.കെ. രവി, സ്ഥിരം സമിതി അധ്യക്ഷരായ എം.വി. ബിന്ദു, പി.വി. രാജൻ, ഇംപ്ലിമെൻ്റിംഗ് ഓഫീസർ പി. രമദേവി എന്നിവർ പ്രസംഗിച്ചു. പഞ്ചായത്ത് ജീവനക്കാർ, ജനപ്രതിനിധികൾ, കേരളോത്സവ വിജയികൾ, യുവജന ക്ലബ് ഭാരവാഹികൾ, വായനശാലാ പ്രവർത്തകർ തുടങ്ങിയവർ പങ്കെടുത്തു. ▪️ റിപ്പോർട്ടർ: തോമസ് അയ്യങ്കനാൽ