ശ്രീകണ്ഠാപുരം വാർത്തകൾ

ചെമ്പേരി: ഹെൽത്തി കേരളം കാമ്പയിൻ ആരോഗ്യ ബോധവത്കരണ വാഹന പര്യടനത്തിന് ഏരുവേശി ഗ്രാമപഞ്ചായത്തിലെ ചെമ്പേരി, നെല്ലിക്കുറ്റി ടൗണുകളിൽ സ്വീകരണം നൽകി. ചെമ്പേരി ടൗണിൽ നടന്ന സ്വീകരണ പരിപാടിയിൽ ഏരുവേശി ഗ്രാമപഞ്ചായത്ത് പ്രസിഡന്റ്‌ ജോസ് പരത്തനാൽ പര്യടനത്തിൻ്റെ പഞ്ചായത്ത്തല ഉദ്ഘാടനം നിർവഹിച്ചു. ആരോഗ്യ, വിദ്യാഭ്യാസ കാര്യ സ്റ്റാൻഡിംഗ് കമ്മിറ്റി ചെയർമാൻ എൻ.കെ. ശ്രീനാഥ് അധ്യക്ഷത വഹിച്ചു. പഞ്ചായത്ത്‌ വൈസ് പ്രസിഡന്റ് ജയശ്രീ ശ്രീധരൻ മുഖ്യപ്രഭാഷണം നടത്തി. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ മേരി ഫ്രാൻസിസ് . ഏഴാം വാർഡ് മെംബർ കെ.ഒ. ജനാർദ്ദനൻ, ഹെൽത്ത്‌ ഇൻസ്‌പെക്ടർ കെ. രാജേഷ് ബാബു, ജെഎച്ച്ഐ കെ.ഒ. കൃഷ്ണപ്രിയ എന്നിവർ പ്രസംഗിച്ചു. ജനപ്രതിനിധികൾ, പിഎച്ച്സി ജീവനക്കാർ, ആശ പ്രവർത്തകർ സന്നദ്ധ സംഘടന പ്രവർത്തകർ തുടങ്ങിയവർ പരിപാടിയിൽ പങ്കെടുത്തു. നെല്ലിക്കുറ്റി ടൗണിൽ നടന്ന സ്വീകരണ പരിപാടി വികസന കാര്യ സ്റ്റാൻഡിംഗ് കമ്മിറ്റി ചെയർമാൻ സോജൻ കാരമയിൽ ഉദ്ഘാടനം ചെയ്തു. വാർഡ് മെംബർ ത്രേസ്യ അഗസ്റ്റിൻ അധ്യക്ഷത വഹിച്ചു. ഹെൽത്ത്‌ ഇൻസ്‌പെക്ടർ രാജേഷ് ബാബു, ജൂനിയർ ഹെൽത്ത്‌ ഇൻസ്‌പെക്ടർ കെ. ദീപ എന്നിവർ പ്രസംഗിച്ചു. റിപ്പോർട്ടർ: തോമസ് അയ്യങ്കനാൽ