ശ്രീകണ്ഠാപുരം വാർത്തകൾ

ചെമ്പന്തൊട്ടി: കായികപ്രേമികൾക്ക് ആവേശമായി ചെമ്പന്തൊട്ടി സെന്റ് ജോർജ് ബാസ്കറ്റ്ബോൾ ക്ലബിന്റെ ആഭിമുഖ്യത്തിൽ സംഘടിപ്പിച്ച ഒന്നാമത് ബാസ്കറ്റ്ബോൾ ടൂർണമെന്റിന് തുടക്കമായി. ചെമ്പന്തൊട്ടി സെന്റ് ജോർജ് ഫ്ലഡ്ലിറ്റ് സ്റ്റേഡിയത്തിൽ നടന്ന ചടങ്ങിൽ ശ്രീകണ്ഠപുരം നഗരസഭാധ്യക്ഷൻ ഇ.വി. രാമകൃഷ്ണൻ ടൂർണമെന്റിന്റെ ഉദ്ഘാടനം നിർവഹിച്ചു. പ്രദേശത്തെ കായിക പ്രതിഭകളെ പ്രോത്സാഹിപ്പിക്കുക എന്ന ലക്ഷ്യത്തോടെയാണ് ക്ലബ് ഇത്തരമൊരു സംരംഭത്തിന് തുടക്കമിട്ടത്. ഉദ്ഘാടന ചടങ്ങിൽ ക്ലബ് ഭാരവാഹികളും പ്രമുഖ വ്യക്തികളും പങ്കെടുത്തു. ▪️ റിപ്പോർട്ടർ: തോമസ് അയ്യങ്കനാൽ