ശ്രീകണ്ഠാപുരം വാർത്തകൾ

ചെമ്പേരി: വൈ.എം.സി.എ ചെമ്പേരി യൂണിറ്റിന്റെ ആഭിമുഖ്യത്തിൽ സ്കൂൾ വിദ്യാർത്ഥികൾക്കായി സ്പീച്ച് ക്രാഫ്റ്റ് ട്രെയിനിംഗ് ക്യാമ്പ് സംഘടിപ്പിച്ചു. ചെമ്പേരി വൈ.എം.സി.എ ഹാളിൽ രണ്ടു ദിവസങ്ങളിലായാണ് ക്യാമ്പ് നടന്നത്. ഫെഡറൽ ബാങ്ക് മാനേജരും ചെമ്പേരി വൈ.എം.സി.എ അംഗവുമായ സോവിൻ തോമസ് ക്യാമ്പിന് നേതൃത്വം നൽകി. സമാപന സമ്മേളനത്തിൽ ചെമ്പേരി വൈ.എം.സി.എ പ്രസിഡന്റ് ഷീൻ എബ്രഹാം അധ്യക്ഷത വഹിച്ചു. പ്രോഗ്രാം കോ-ഓർഡിനേറ്റർമാരായ ജോമോൻ പൈങ്ങോട്ട്, സൈജു കാക്കനാട്ട്, ചെമ്പേരി വൈ.എം.സി.എ സെക്രട്ടറി റോബി സബറിയാസ് എന്നിവർ സംസാരിച്ചു.