ശ്രീകണ്ഠാപുരം വാർത്തകൾ

ശ്രീകണ്ഠാപുരം: കഴിഞ്ഞ പത്ത് വർഷകാലം സംസ്ഥാനത്ത് വികസനത്തിൻ്റെ കുതിപ്പുണ്ടായപ്പോൾ അതോടപ്പം സഞ്ചരിക്കാൻ കഴിയാത്ത ഇരിക്കൂർ മണ്ഡലത്തിൻ്റെ ഗ്രാമങ്ങളും നാട്ടുവഴികളും താണ്ടി ഇരിക്കൂർ നിയോജക മണ്ഡലം ഇടതുപക്ഷ സ്ഥാനാർത്ഥി അഡ്വ: മാത്യു കുന്നപ്പള്ളി ചുഴലിയിലെ ഫോക് ലോർ അക്കാദമി ദാരുശില്പം അവാർഡ് നേടിയ വിജയൻ മൂത്താചാരിയെ വീട്ടിലെത്തി ആദരിച്ചതിന് ശേഷം പുതുശ്ശേരി ഇല്ലത്തെ ശങ്കരൻ നമ്പൂതിരി, ചുഴലി ഗവ ഹയർ സെക്കൻഡറി സ്കൂൾ, സമരിറ്റൻ പാലിയേറ്റീവ് കെയർ സെൻ്റർ ചെങ്ങളായി, ചെങ്ങളായി പഞ്ചായത്ത്, സെൻ്റ് ജോസഫ് ചർച്ച് നിടുവാലൂർ, വളക്കൈയ്യിലെയും ചെങ്ങളായിലെയും തൊഴിലുറപ്പ് തൊഴിലാളികൾ, ഖാദി കേന്ദ്രം കൊയ്യം, നെടുമുണ്ടയിലെ മലബാർ ഹണി ഫാക്ടറി, പള്ളോട്ടിൽ ബിഷപ്പ് ഹൗസ്, കൊയ്യം, ചെങ്ങളായി പഞ്ചായത്തിലെ വിവിധ വ്യാപാര സ്ഥാപങ്ങൾ എന്നിവ സന്ദർശിച്ച് വോട്ടഭ്യർത്ഥിച്ചു. സിപിഐ എം ജില്ല കമ്മിറ്റിയംഗം കെ ജനാർദ്ദൻ, ഏരിയ കമ്മിറ്റിയംഗങ്ങളായ വി പി മോഹനൻ, കെ കെ രത്നകുമാരി, പി പ്രകാശൻ എന്നിവർ ഒപ്പമുണ്ടായി.