ശ്രീകണ്ഠാപുരം വാർത്തകൾ

യങ്ങ് മൈൻഡ്സ് ക്ലബ്ബ് കണ്ണൂർ സൗത്ത് ഡിസ്ട്രിക്ട് ഗവർണർ കെ വി പ്രശാന്തിന്‍റെയും, ക്യാബിനറ്റ് അംഗങ്ങളുടെയും ക്ലബ്ബ് ഔദ്യോഗിക സന്ദർശനവും, കുടുംബ സംഗമവും സംഘടിപ്പിച്ചു. കണ്ണൂർ സ്റ്റാർ ഇൻ റസിഡൻസിയിൽ നടന്ന ചടങ്ങിൽ ക്ലബ്ബ് പ്രസിഡന്റ് സി കെ സദാനന്ദൻ അധ്യക്ഷനായി. ഡിസ്ട്രിക്ട് ഗവർണർ കെ വി പ്രശാന്ത് ഉദ്ഘാടനം നിർവഹിച്ചു.ക്ലബ്ബ് നടത്തുന്ന ജീവകാരുണ്യ പ്രവർത്തനത്തിന്റെ ഭാഗമായുള്ള മൈനർ പ്രൊജക്റ്റ് ഇന്റർനാഷണൽ പ്രസീഡിയം മെമ്പർ ടി കെ രമേഷ് കുമാർ നിർവഹിച്ചു. ക്ലബ്ബിലേക്ക് പുതുതായി അംഗങ്ങളായവർക്കുള്ള സത്യവാചകം ഡിസ്ട്രിക്ട് സെക്രട്ടറി വിനോദ് കുമാർ സി വി ചൊല്ലിക്കൊടുത്തു.ഡിസ്ട്രിക്ട് സെനറ്റർ മാരായ എം ടി പ്രകാശ്, ദിനേശ് ആലിങ്കിൽ, ഡിസ്ട്രിക്ട് ട്രഷറർ ബിജു ഫ്രാൻസിസ്, ഡിസ്ട്രിക്ട് ബുള്ളറ്റിൻ എഡിറ്റർ രഞ്ജിത്ത് രാഘവൻ, മറ്റ് ക്ലബ്ബ് പ്രതിനിധികൾ എന്നിവർ സംസാരിച്ചു. ക്ലബ്ബ് സെക്രട്ടറി പി കെ കൃഷ്ണകുമാർ സ്വാഗതവും, കെ സി അജിത്ത് കുമാർ നന്ദിയും പറഞ്ഞു. തുടർന്ന് പ്രൊഫഷണൽ ടീമിന്റെ കരോക്കെ ഗാനമേളയും ഉണ്ടായി.