ശ്രീകണ്ഠാപുരം വാർത്തകൾ

പൈതൽമല: വൈഎംസിഎ കണ്ണൂർ സബ് റീജിയന്റെ ആഭിമുഖ്യത്തിൽ യൂണിറ്റ് ഭാരവാഹികൾക്കായി സംഘടിപ്പിച്ച ഏകദിന ട്രെയിനിംഗ് പ്രോഗ്രാം പൈതൽമല ഹിൽ റിസോർട്ടിൽ നടന്നു. കണ്ണൂർ സബ് റീജിയൻ ചെയർമാൻ ബെന്നി ജോൺ ചേരിക്കത്തടം പരിപാടി ഉദ്ഘാടനം ചെയ്തു. ജോസഫ് സഖറിയാസ് ക്ലാസുകൾ നയിച്ചു. വൈഎംസിഎ ഏഷ്യ പസഫിക് മെംബർ ഡോ. കെ. എം. തോമസ്, ജനറൽ കൺവീനർ ഷാജി ജോസഫ്, സബ് റീജിയൻ മുൻ ചെയർമാൻമാരായ ജിയോ ജേക്കബ്, വി. എം. മത്തായി, റീജണൽ സ്റ്റാൻഡിംഗ് കമ്മിറ്റി മെംബർ പി. എം. ബേബി എന്നിവർ പ്രസംഗിച്ചു. വിവിധ യൂണിറ്റുകളിൽ നിന്നായി 120 പേർ പങ്കെടുത്തു. മികച്ച പ്രവർത്തനം കാഴ്ചവച്ച ടീമുകൾക്ക് സമ്മാനങ്ങളും നൽകി. അംഗങ്ങളുടെ വിവിധ കലാപരിപാടികളും ഉണ്ടായിരുന്നു. ▪️ റിപ്പോർട്ടർ: തോമസ് അയ്യങ്കനാൽ