ശ്രീകണ്ഠാപുരം വാർത്തകൾ

കുടിയന്മല : 2025-26 അക്കാദമിക വർഷത്തിൽ സ്കൂൾതലത്തിലും ഉപജില്ലാതലത്തിലും കലാമേള, ശാസ്ത്രമേള എന്നിവയിൽ വിജയികളായവർക്ക് സമ്മാനങ്ങൾ നൽകി അനുമോദിക്കുന്ന വിജയോത്സവം കുടിയന്മല ഫാത്തിമ യുപി സ്കൂളിൽ നടന്നു. വാർഡ് മെംബർ നിഷ സോജൻ ഉദ്ഘാടനം ചെയ്തു. സ്കൂൾ അസിസ്റ്റന്റ് മാനേജർ ഫാ. നെൽസൺ ഞാളിയത്ത് അധ്യക്ഷത വഹിച്ചു. സ്കൂൾ മുഖ്യാധ്യാപിക മിനി ഏബ്രഹാം ആമുഖ പ്രഭാഷണം നടത്തി. പിടിഎ പ്രസിഡൻ്റ് കെ.വൈ.ബൈജു, അധ്യാപിക സിനോബി തോമസ് എന്നിവർ പ്രസംഗിച്ചു. ഡിസിഎൽ ടാലന്റ് ഫെസ്റ്റിൽ മേഖലാതലത്തിലും, കണ്ണൂർ പ്രവിശ്യാതലത്തിലും, സംസ്ഥാനതലത്തിലും നടന്ന മത്സരങ്ങളിലെ വിജയികൾക്കുള്ള സമ്മാനങ്ങളും വിതരണം ചെയ്തു. ▪️ റിപ്പോർട്ടർ: തോമസ് അയ്യങ്കനാൽ