ശ്രീകണ്ഠാപുരം വാർത്തകൾ

ചെമ്പേരി : സംസ്ഥാനത്ത് ഇടത് സർക്കാർ നടത്തിവരുന്ന അഴിമതി ഭരണത്തിന് അറുതി വരുത്തുന്നതിനും പിണറായി സർക്കാറിൻ്റെ തുടർ ഭരണമോഹത്തിന് തിരിച്ചടി കൊടുക്കുന്നതിനും കോൺഗ്രസ്സ് പ്രവർത്തകർ ഒത്തൊരുമയോടു കൂടി പ്രവർത്തന രംഗത്തിറങ്ങേണ്ടതാണന്ന് അഡ്വ. സജീവ് ജോസഫ് എം.എൽ.എ പറഞ്ഞു. വരുന്ന തിരഞ്ഞെടുപ്പിൽ യു.ഡി.എഫ് സർക്കാർ അധികാരത്തിലെത്താൻ മുന്നിൽ നിന്ന് പ്രവർത്തിക്കേണ്ടത് കോൺഗ്രസ്സ് കാരുടെ ചുമതലയാണന്നും അദ്ദേഹം അറിയിച്ചു.  ഏരുവേശി മണ്ഡലം കോൺഗ്രസ്സ് കമ്മിറ്റിയുടെ പുതിയ പ്രസിഡണ്ടായി ചുമതലയേൽക്കുന്ന ഗംഗാധരൻ കായിക്കലിൻ്റെ സ്ഥാനാരോഹണ ചടങ്ങ് ചെമ്പേരി ഇന്ദിര ഭവനിൽ ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം .ചടങ്ങിൽ കോൺഗ്രസ്സ് നേതാക്കളായ ശ്രീകണ്ഠാപുരം നഗരസഭ ചെയർമാൻ ഇ.വി.രാമകൃഷ്ണൻ, ഡോ.കെ.വി. ഫിലോമിന, പി.ടി.കുര്യാക്കോസ്, ബേബി തോലനാനി, ,കെ.പി.ഗംഗാധരൻ, പഞ്ചായത്ത് പ്രസി ഡണ്ട് ജോസ് പരത്തിനാൽ, ജോഷി കണ്ടത്തിൽ, ജോസഫ് ഐസക്ക് തുടങ്ങിയവർ സംസാരിച്ചു. ഏരുവേശി മണ്ഡലത്തിലെ പാർട്ടിയുടെ പ്രസിഡണ്ടായി ചുമതലയേറ്റ ഗംഗാധരൻ കായിക്കൽ പാർട്ടി പ്രവർത്തകരുടെ സഹായ സഹകരണങ്ങൾ ഉണ്ടാകണമെന്ന് അഭ്യർത്ഥിച്ചു.