ശ്രീകണ്ഠാപുരം വാർത്തകൾ

ചെമ്പന്തൊട്ടി : ശ്രീകണ്ഠപുരം-ചെമ്പന്തൊട്ടി-നടുവിൽ റോഡിൻ്റെ നവീകരണ പ്രവൃത്തികളും കൊക്കായി പാലം പണിയുടെ പുരോഗതിയും സ്ഥലം സന്ദർശിച്ച സജീവ് ജോസഫ് എംഎൽഎ വിലയിരുത്തുകയും എത്രയും വേഗത്തിൽ പണി പൂർത്തിയാക്കാൻ കരാറുകാരന് നിർദ്ദേശം നൽകുകയും ചെയ്തു. കൊക്കായി പാലത്തിൻ്റെ ഒരു ഭാഗത്തെ സ്ഥലമുടമ തോമസ് വടക്കേക്കുറ്റ് ഓവ്ചാലിന് ആവശ്യമായ സ്ഥലം വിട്ടുനൽകുന്ന സമ്മതപത്രം എംഎൽഎയുടെ സാന്നിദ്ധ്യത്തിൽ ഒപ്പിട്ട് കൈമാറി മറുഭാഗത്തെ സ്ഥലമുടമയും ഈ മാതൃക പിൻതുടരണമെന്ന് എംഎൽഎ അഭ്യർത്ഥിച്ചു. റോഡ് കമ്മറ്റി ഭാരവാഹികളായെ കെ.സി.ജോസഫ്, കെ.ജെ.ചാക്കോ കൊന്നയ്ക്കൽ, വർഗീസ് വയലാമണ്ണിൽ, ജിയോ ജേക്കബ്, കെ.എം.ഷംസീർ, എം.വി.ജോസ്, ശ്രീകണ്ഠപുരം നഗരസഭ കൗൺസിലർമാരായ എൻ.വി.വർഗീസ്, ജാൻസി ആൻ്റോ എന്നിവരും ജോയി നെയ് മണ്ണിലിൻ്റെ നേതൃത്വത്തിൽ പ്രദേശവാസികളും കിഫ്ബി ഉദ്യോഗസ്ഥരും സന്ദർശനത്തിൽ പങ്കെടുത്തു. ▪️ റിപ്പോർട്ടർ: തോമസ് അയ്യങ്കനാൽ