ശ്രീകണ്ഠാപുരം വാർത്തകൾ

ആധുനിക കൃഷിരീതികളും കാർഷിക ഉത്പാദന-വിപണന സാധ്യതകളും നേരിട്ടറിയുന്നതിനായി സംഘടിപ്പിച്ച യാത്രയുടെ ഭാഗമായി പ്രതിനിധികൾ വയനാട്ടിലെ പനമരം അഗ്രോ ഫാർമേഴ്‌സ് പ്രൊഡ്യൂസർ കമ്പനി സന്ദർശിച്ചു. പനമരം കമ്പനിയുടെ വൈവിധ്യമാർന്ന കാർഷിക പ്രവർത്തനങ്ങൾ, മൂല്യവർദ്ധിത ഉത്പന്നങ്ങളുടെ നിർമ്മാണം, കർഷക കൂട്ടായ്മകളുടെ വിജയകരമായ വിപണന തന്ത്രങ്ങൾ എന്നിവ സംഘം വിശദമായി വിലയിരുത്തി. ഇരു കമ്പനികളിലെയും ഭാരവാഹികളും കർഷക പ്രതിനിധികളും തമ്മിൽ കാർഷിക മേഖലയിലെ പുത്തൻ പ്രവണതകളെക്കുറിച്ചും പരസ്പര സഹകരണത്തെക്കുറിച്ചും ആശയവിനിമയം നടത്തി. തുടർന്നും കർഷകർക്ക് പ്രയോജനപ്രദമായ ഇത്തരം പഠന ക്ലാസുകളും സന്ദർശനങ്ങളും സംഘടിപ്പിക്കുമെന്ന് ഇരിക്കൂർ അഗ്രോ ഫാർമേഴ്‌സ് പ്രൊഡ്യൂസർ കമ്പനി ഭാരവാഹികൾ അറിയിച്ചു. ▪️ റിപ്പോർട്ടർ: തോമസ് അയ്യങ്കനാൽ