ശ്രീകണ്ഠാപുരം വാർത്തകൾ

ശ്രീകണ്ഠപുരം, കഴിഞ്ഞ ജനുവരി മുതൽ ലഭിക്കേണ്ട 2 ശതമാനം ക്ഷാമാശ്വാസം കൂടിശ്ശിക സഹിതം അനുവദിക്കണമെന്ന് കേരളാ സ്റ്റേറ്റ് സർവീസ് പെൻഷനേഴ്സ് അസോസിയേഷനേഴ്സ് അസോസിയേഷൻ ഇരിക്കൂർ നിയോജകമണ്ഡലം കമ്മിറ്റി യോഗം ആവശ്യപ്പെട്ടു. 100 ദിനംകൊണ്ട് മറ്റെല്ലാ വിഭാഗം ആളുകളേയും ചേർത്തു പിടിച്ച സർക്കാർ കേരളത്തിലെ സർവീസ് പെൻഷൻ കാരോടും നീതി പുലർത്തണമെന്നും, തളിപ്പറമ്പ – ഇരിട്ടി സംസ്ഥാന പാതയിലെ വളവുകൾ നിവർത്തി യാത്രാ ക്ലേശം പരിഹരിക്കണമെന്നുംയോഗം ആവശ്യപ്പെട്ടു. ജില്ലാ പ്രസിഡണ്ട് എം.പി. കുഞ്ഞിമൊയ്തീൻ ഉദ്ഘാടനം ചെയ്തു. വൈസ് പ്രസിഡണ്ട് സി.എം. മാത്യു അദ്ധ്യക്ഷതവഹിച്ചു. അധ്യാപക ദിനത്തിന് മുന്നോടിയായി അധ്യാപകരെ ആദരിച്ചു. പി.പി.ചന്ദ്രാംഗതൻ മാസ്റ്റർ, സി.വി.കൃഷ്ണൻ, കെ.ബാബു, മാസ്റ്റർ,പി.ടി. കുര്യാക്കോസ് മാസ്റ്റർ, എം.എം.ലീല, കെ. ദിവാകരൻ മാസ്റ്റർ, അപ്പു കണ്ണാവിൽ എന്നിവർ പ്രസംഗിച്ചു.