ശ്രീകണ്ഠാപുരം വാർത്തകൾ

ചെങ്ങളായി: ചെങ്ങളായി ഗ്രാമപഞ്ചായത്തിലെ 5, 9 വാർഡുകളിൽ താമസിക്കുന്ന അതിഥി തൊഴിലാളികൾക്കായി ആരോഗ്യ വകുപ്പിന്റെ സഹകരണത്തോടെ സൗജന്യ രക്ത പരിശോധനാ ക്യാമ്പ് സംഘടിപ്പിച്ചു. മലമ്പനി (മലേറിയ), മന്ത് രോഗം എന്നിവ കണ്ടെത്തുന്നതിനുള്ള രക്ത പരിശോധനയും കുഷ്ഠരോഗ നിയന്ത്രണത്തിന്റെ ഭാഗമായുള്ള ദേഹ പരിശോധനയുമാണ് ക്യാമ്പിൽ പ്രധാനമായും നടത്തിയത്. ഗ്രാമപഞ്ചായത്ത് പ്രസിഡന്റ് ശ്രീമതി വി. പി. ന ബി. പി. യുടെ നേതൃത്വത്തിലാണ് ക്യാമ്പ് സംഘടിപ്പിച്ചത്. ചടങ്ങിൽ ഡോ. മനീസ് എം. വി., ജൂനിയർ ഹെൽത്ത് ഇൻസ്പെക്ടർമാരായ (JHI) അശ്വനി, അർഷാദ്, സജിമോൻ എ. ജെ., ഗ്രാമപഞ്ചായത്ത് അംഗം എം. കെ. ഭാസ്കരൻ എന്നിവർ പങ്കെടുത്തു.