ശ്രീകണ്ഠാപുരം വാർത്തകൾ

നടുവിൽ :ദേശീയ അധ്യാപക അവാർഡിന് അർഹനായ പുഴാതി ഗവ.യു.പി.സ്‌കൂൾ പ്രഥമാധ്യാപകൻ കെ.പി. സുനിൽകുമാറിനെ നടുവിൽ കൊഴുക്കൽ പൊള്ളോലെടം ട്രസ്റ്റ് അനുമോദിച്ചു.പൊള്ളോലെടം തറവാട് ദേവസ്ഥാനത്ത് നടന്ന അനുമോദന സമ്മേളനം ട്രസ്റ്റ് പ്രസിഡൻറ് കെ.പി.കേശവൻ ഉദ്ഘാടനം ചെയ്തു.എസ്.കെ.ശ്രീനിവാസൻ അധ്യക്ഷത വഹിച്ചു. ടി.രാമകൃഷ്ണൻ,വി.ഇ.രുഗ്‌മിണി,എസ്.കെ. രാധാകൃഷ്ണൻ,കെ.പി.വേണുഗോപാലൻ, എസ്.ടി.ഗോവിന്ദൻ, കെ.പി.പ്രേമകുമാരി,കെ.പി.ഗൗരി, പ്രിയ സുനിൽകുമാർ എന്നിവർ സംസാരിച്ചു.കെ.പി.സുനിൽകുമാർ മറുപടി പ്രസംഗം നടത്തി.നടുവിൽ എൽപി സ്‌കൂൾ റിട്ട.അധ്യാപകനും കവിയും ഗ്രന്ഥകാരനുമായിരുന്ന പരേതനായ വി.ടി.മധുസൂദനൻ നായനാരുടേയും പരേതയായ ശാരദയുടേയും മകനാണ് ചേടിച്ചേരി സ്വദേശിയായ സുനിൽകുമാർ.ഭാര്യ പ്രിയ ചേടിച്ചേരി ദേശമിത്രം യുപി സ്‌കൂൾ അധ്യാപികയാണ്.മക്കൾ ഗോപികയും ഗീതികയും വിദ്യാർഥികൾ