ശ്രീകണ്ഠാപുരം വാർത്തകൾ

പയ്യാവൂർ: ചമതച്ചാൽ ഗവ. എൽപി സ്കൂളിലെ പ്രവേശനോത്സവം വാർഡ് മെംബർ സൈമൺ പെരുവക്കുന്നേൽ ഉദ്ഘാടനം ചെയ്തു. പുതുതായി സ്കൂളിലെത്തിയ കുട്ടികളെ മധുരപലഹാരങ്ങൾ നൽകി സ്വീകരിച്ചു. എസ്എംസി ചെയർമാൻ പി.കെ. ജിനേഷ് അധ്യക്ഷത വഹിച്ചു. ബിപി. സുജിത് ആമുഖപ്രഭാഷണം നടത്തി. ബിനോയ് ജേക്കബ്, വി. സുനിത, കെ.കെ. ഹേമ എന്നിവർ പ്രസംഗിച്ചു. വിദ്യാർത്ഥികൾക്ക് സ്‌കൂൾബാഗും മറ്റ് പഠനോപകരണങ്ങളും വിതരണം ചെയ്തു. സ്കൂൾ അധികൃതർ, പിടിഎ ഭാരവാഹികൾ, രക്ഷിതാക്കൾ, അധ്യാപകർ എന്നിവർ നേതൃത്വം നൽകി. ▪️ റിപ്പോർട്ടർ: തോമസ് അയ്യങ്കനാൽ