ശ്രീകണ്ഠാപുരം വാർത്തകൾ

പയ്യാവൂർ: റോഡ് സുരക്ഷാ മാസാചരണത്തിൻ്റെ ഭാഗമായി കേരള മോട്ടോർ വാഹന വകുപ്പ്, തളിപ്പറമ്പ് സബ് ആർടി ഓഫീസ്, ശ്രീകണ്ഠപുരം ലയൺസ് ക്ലബ്, കോട്ടൂർ ഐടിഐ എന്നിവയുടെ സംയുക്താഭിമുഖ്യത്തിൽ ശ്രീകണ്ഠപുരത്ത് സംഘടിപ്പിച്ച റോഡ് സുരക്ഷാ ബോധവത്കരണ സന്ദേശ റാലിയിൽ ‘കാലൻ’ എത്തിയത് കൗതുകമായി. കാലൻ വേഷധാരിയുടെ’സാന്നിധ്യത്തിൽ റോഡ് സുരക്ഷാ പരിശോധന നടത്തുകയും നിയമം അനുസരിച്ച് യാത്ര ചെയ്യുന്നവർക്ക് സമ്മാനങ്ങളും നിയമം തെറ്റിച്ചവർക്ക് ചെല്ലാൻ പിഴയും ഉണ്ടായിരുന്നു. കോട്ടൂർ ഐടിഐ പ്രിൻസിപ്പൽ ഫാ. ജോഫിൻ കുറുവൻമാക്കൽ, ശ്രീകണ്ഠപുരം ലയൺസ് ക്ലബ് പ്രസിഡൻ്റ് സുനിൽ മാത്യൂസ്, സെക്രട്ടറി പാട്രിക് കുരുവിള, ട്രഷറർ ജയേഷ് വർഗീസ്, സുരേഷ് ജോർജ്, ജോസഫ് മാത്യു, എംവിഐമാരായ പി.വി രതീഷ്, ടി. വൈകുണ്ഠൻ, അസിസ്റ്റൻ്റ് എംവിഐമാരായ എം.പി.സുധീർ, ശിവദാസൻ, ടി.ധനുഷ്, സുധീഷ് മാവില, മുഹമ്മദ് റിയാസ് എന്നിവർ നേതൃത്വം നൽകി. ഡ്രൈവിംഗ് സ്കൂൾ പ്രതിനിധികളും പങ്കെടുത്തു. ▪️ റിപ്പോർട്ടർ: തോമസ് അയ്യങ്കനാൽ