ശ്രീകണ്ഠാപുരം വാർത്തകൾ

കീയച്ചാൽ: മധ്യവേനലവധിക്കാലത്ത് കീയച്ചാൽ വിനോദ് സ്മൃതി വായനശാല ‘Be Fit’ കൂട്ടായ്മയുടെ ഭാഗമായി വിജയകരമായി സംഘടിപ്പിച്ച ‘തണൽ നടത്തം’ കേരളപ്പിറവി ദിനമായ നവംബർ 1 ഞായറാഴ്ച മൂന്നാം പതിപ്പിലേക്ക് കടക്കുന്നു. ‘കുന്നിറങ്ങി, പാടവരമ്പിലൂടെ, പുഴയോരത്തേക്ക്…’ എന്ന പേരിൽ സംഘടിപ്പിക്കുന്ന നടത്തം പാറക്കാടി പാലം പരിസരത്തുനിന്ന് ആരംഭിക്കും. തുടർന്ന് പാണ്ടിയാൽ, കൊയ്യാല പാടവരമ്പുകളിലൂടെ സഞ്ചരിച്ച് ചെക്കിക്കടവ് പാലത്തിൽ സമാപിക്കും. കേരളപ്പിറവി ദിനത്തിൽ നാടിന്റെ മലനാട്, ഇടനാട്, തീരപ്രദേശം എന്നീ ഭൂപ്രകൃതിയെയും പരമ്പരാഗത കാർഷിക സംസ്കാരത്തെയും അടുത്തറിയാൻ ഈ നടത്തം സഹായകമാകും. യാത്രയ്ക്കിടെ, പാടശേഖരത്തിന്റെ പശ്ചാത്തലത്തിൽ പാറക്കാടിയിലെ കർഷകൻ മല്ലിക്കുന്നൻ ശശിയും, ചെക്കിക്കടവ് പുഴയോരത്ത് അധ്യാപകനും പൊതുപ്രവർത്തകനുമായ ടി. ബാലകൃഷ്ണൻ മാസ്റ്ററും യാത്രാംഗങ്ങളോട് සංവദിക്കും. കുഞ്ഞുണ്ണി ബാലവേദി, മയിലമ്മ വനിതാവേദി, തണൽ വയോജനവേദി, നിലാവ് ജീവകാരുണ്യ കൂട്ടായ്മ, ഗ്രാമദീപം കലാകായിക സമിതി എന്നിവയുടെ പ്രതിനിധികളും പൊതുജനങ്ങളും പരിപാടിയിൽ പങ്കാളികളാകും.