ശ്രീകണ്ഠാപുരം വാർത്തകൾ

ചന്ദനക്കാംപാറ: സംസ്ഥാന സർക്കാരിന്റെ നൂറ്ദിന പരിപാടികളുടെ ഭാഗമായി പൊതു വിദ്യാഭ്യാസ വകുപ്പ് നടപ്പാക്കിവരുന്ന ഡിജിറ്റൽ സ്ക്വയർ പദ്ധതിക്ക് ചന്ദനക്കാംപാറ ചെറുപുഷ്പ യുപി സ്കൂളിൽ തുടക്കമായി. പയ്യാവൂർ ഗ്രാമ പഞ്ചായത്ത് വൈസ് പ്രസിഡൻ്റ് പി.കെ. ബാലകൃഷ്ണൻ പദ്ധതി ഉദ്ഘാടനം ചെയ്തു. സ്കൂൾ മാനേജർ ഫാ. ഏബ്രഹാം മഠത്തിമ്യാലിൽ, സ്കൂൾ മുഖ്യാധ്യാപിക വിജി മാത്യു, അധ്യാപികമാരായ എൻ.ജെ. ഷൈനി, എയ്ഞ്ചൽ ജോർജ്, പിടിഎ പ്രസിഡന്റ് വിത്സൻ അറാക്കൽ, ജിഷ അജേഷ്, പി.ആർ. അദ്വൈത് എന്നിവർ പ്രസംഗിച്ചു. ഒഴിവ് സമയങ്ങളിൽ വിദ്യാർകൾക്ക് സൗകര്യപൂർവം വിജ്ഞാനപ്രദപരമായി വിവര സാങ്കേതികവിദ്യ ഉപയോഗിക്കാൻ സാധിക്കുന്ന രീതിയിലാണ് പദ്ധതി ആവിഷ്കരിച്ചിട്ടുള്ളത്. 🗞️📝 റിപ്പോർട്ടർ: തോമസ് അയ്യങ്കനാൽ