ശ്രീകണ്ഠാപുരം വാർത്തകൾ

പയ്യാവൂർ: ഇരിക്കൂർ പൊലിസ് സ്റ്റേഷനിൽ 2010-14 വർഷങ്ങളിൽ ജോലി ചെയ്തിരുന്ന ബാച്ചിലെ പൊലിസ് ഓഫീസർമാരും സഹപ്രവർത്തകരും ഒത്തുചേർന്ന രണ്ടാമത് സംഗമം മലയോര വിനോദ സഞ്ചാര കേന്ദ്രമായ പൈതൽമലയിലെ പൈതൽഹിൽ റിസോർട്ടിൽ നടന്നു. റിട്ട. സബ് ഇൻസ്പെക്ടർ പി.വി. രാധാകൃഷ്ണൻ സംഗമം ഉദ്ഘാടനം ചെയ്തു. എ. കുഞ്ഞിക്കണ്ണൻ അധ്യക്ഷത വഹിച്ചു. ഉളിക്കൽ പൊലിസ് സ്റ്റേഷൻ സബ് ഇൻസ്പെക്ടറും സംഘാടകസമിതി ചെയർമാനുമായ കെ.കെ. രാധാകൃഷ്ണൻ ആമുഖ പ്രഭാഷണം നടത്തി. സബ് ഇൻസ്പെക്ടർമാരായ വി.വി. മനോജ്, സന്ദീപ് കണ്ണൂർ, ഇബ്രാഹിം വളപട്ടണം, റിട്ട. പൊലീസ് ഉദ്യോഗസ്ഥരായ ബാലഭാസ്കരൻ കൊളപ്പ, ശ്രീധരൻ നായാട്ടുപാറ, ദിനേശൻ കരേറ്റ, പ്രേമൻ കണ്ടക്കൈ, റസാഖ്, സുരേഷ് കാഞ്ഞിലേരി, വി.വി. വിനോദ്, സജീവൻ പരിപ്പായി, കെ.വി. വിനോദ് എന്നിവർ പ്രസംഗിച്ചു. റിട്ട. എസ്.ഐ. രവീന്ദ്രൻ ചൂളിയാടിന്റെ മകൾ എംബിബിഎസ് പൂർത്തിയാക്കിയ സാന്ദ്രാ രവീന്ദ്രനെയും സീനിയർ ഓഫീസർമാരേയും ചടങ്ങിൽ ആദരിച്ചു. സാഹിത്യകാരനായ റിട്ട. എസ്ഐ ജോൺസൺ തുടിയൻപ്ലാക്കൽ കഥാവതരണം നടത്തി. സിനിമ, സീരിയൽ നടനും ഇരിക്കൂർ എസ്ഐയുമായ സദാനന്ദൻ ചേപ്പറമ്പ് വിവിധ കലാപരിപാടികൾക്ക് നേതൃത്വം നൽകി. 🗞️📝 റിപ്പോർട്ടർ: തോമസ് അയ്യങ്കനാൽ