ശ്രീകണ്ഠാപുരം വാർത്തകൾ

കൊയ്യം: കൊയ്യം ഗവ. ഹയർസെക്കൻഡറി സ്കൂളിൽ നാഷണൽ സർവീസ് സ്കീം (എൻഎസ്എസ്) യൂണിറ്റിൻ്റെ ആഭിമുഖ്യത്തിൽ സംസ്ഥാന കൃഷി വകുപ്പിന്റെ സഹകരണത്തോടെ പ്രവർത്തനം ആരംഭിച്ച ‘ഫ്രൂട്ട് ന്യൂട്രീഷൻ ഗാർഡൻ’ പദ്ധതി സജീവ് ജോസഫ് എംഎൽഎ ഫലവൃക്ഷത്തൈ നട്ട് ഉദ്ഘാടനം ചെയ്തു. ചെങ്ങളായി ഗ്രാമപഞ്ചായത്ത് പ്രസിഡന്റ് ബി.പി. വിപിന അധ്യക്ഷത വഹിച്ചു. സ്കൂൾ പ്രിൻസിപ്പൽ എം.പി. ദീപ്തി ആമുഖ പ്രഭാഷണവും ചെങ്ങളായി ഗ്രാമപഞ്ചായത്ത് കൃഷി ഓഫീസർ വി. ജിനു പദ്ധതി വിശദീകരണവും നടത്തി. പഞ്ചായത്ത് വൈസ് പ്രസിഡന്റ് കെ.കെ. രവി, പിടിഎ പ്രസിഡന്റ് ഇ.വി. പ്രസന്നൻ, സ്കൂൾ ചെയർമാനും എൻഎസ്എസ് ലീഡറുമായ കെ.വി. സാരംഗ്, വാർഡ് മെംബർ ടി. രാജ് കുമാർ, സ്കൂൾ മുഖ്യാധ്യാപിക കെ. സീമ, എസ്എംസി ചെയർമാൻ എം.വി. സുരേഷ്, മുൻ മുഖ്യാധ്യാപിക കെ.സുമ, സ്റ്റാഫ് സെക്രട്ടറി വി.പി. ശ്രീനിവാസൻ, എൻഎസ്എസ് പ്രോഗ്രാം ഓഫീസർ ഡോ. റിറ്റി വി. ജെയിംസ് എന്നിവർ പ്രസംഗിച്ചു. 🗞️📝 റിപ്പോർട്ടർ: തോമസ് അയ്യങ്കനാൽ