ശ്രീകണ്ഠാപുരം വാർത്തകൾ

ഏരുവേശി: ഗ്രാമപഞ്ചായത്ത് പരിധിയിൽ കാട്ടുപന്നി ശല്യം അതിരൂക്ഷമായതോടെ കാർഷിക വിളകൾ സംരക്ഷിക്കുന്നതിനായി പരിശീലനം ലഭിച്ച ഷൂട്ടർമാരുടെ സംഘം വേട്ടക്കിറങ്ങി. പഞ്ചായത്ത് അധികൃതരുടെ നേതൃത്വത്തിലാണ് കർഷകർക്ക് ആശ്വാസമേകുന്ന ഈ നടപടി ആരംഭിച്ചിരിക്കുന്നത്. വേട്ടനായ്ക്കളുടെ സഹായത്തോടെയാണ് ഷൂട്ടർമാർ കാട്ടുപന്നികളുടെ താവളങ്ങൾ കണ്ടെത്തി തിരച്ചിൽ ശക്തമാക്കിയത്. കൃഷിയിടങ്ങളിലിറങ്ങി വ്യാപകമായി വിളകൾ നശിപ്പിക്കുന്ന പന്നികളെ നിയന്ത്രിക്കാൻ ലക്ഷ്യമിട്ടാണ് ഈ നീക്കം.കാട്ടുപന്നി ശല്യം രൂക്ഷമായി തുടരുന്ന കൂടുതൽ പ്രദേശങ്ങളിൽ വരും ദിവസങ്ങളിലും പരിശോധനയും വേട്ടയും തുടരുമെന്ന് ഏരുവേശി ഗ്രാമപഞ്ചായത്ത് പ്രസിഡൻ്റ് ജോസ് പരത്തനാൽ അറിയിച്ചു. കർഷകരുടെ സുരക്ഷയ്ക്കും വിള സംരക്ഷണത്തിനും മുൻഗണന നൽകുമെന്നും അദ്ദേഹം വ്യക്തമാക്കി. 🗞️📝 റിപ്പോർട്ടർ: തോമസ് അയ്യങ്കനാൽ