ശ്രീകണ്ഠാപുരം വാർത്തകൾ

ഇരിക്കൂർ: കേന്ദ്ര സർക്കാരിന്റെ ടിബി മുക്ത് ഭാരത് (ക്ഷയരോഗ മുക്ത ഭാരതം) പദ്ധതി പ്രവർത്തനങ്ങളിൽ കണ്ണൂർ ജില്ലയിൽ മികച്ച പ്രകടനം കാഴ്ചവച്ച മലപ്പട്ടം ഗ്രാമപഞ്ചായത്തിനെ ആദരിച്ചു. സജീവ് ജോസഫ് എം.എൽ.എയിൽ നിന്ന് പഞ്ചായത്ത് പ്രസിഡന്റ് പി.പി. ലക്ഷ്മണൻ പുരസ്കാരം ഏറ്റുവാങ്ങി. ക്ഷയരോഗ നിർമാർജന പ്രവർത്തനങ്ങളിലും രോഗികൾക്കുള്ള മികച്ച പരിചരണവും ബോധവൽക്കരണവും ഉറപ്പാക്കുന്നതിലും മലപ്പട്ടം ഗ്രാമപഞ്ചായത്ത് നടത്തിയ മാതൃകാപരമായ ഇടപെടലുകൾ കണക്കിലെടുത്താണ് ഈ അംഗീകാരം. ചടങ്ങിൽ ജനപ്രതിനിധികളും ആരോഗ്യപ്രവർത്തകരും വിവിധ വകുപ്പ് ഉദ്യോഗസ്ഥരും പങ്കെടുത്തു. 🗞️📝 റിപ്പോർട്ടർ: തോമസ് അയ്യങ്കനാൽ