ശ്രീകണ്ഠാപുരം വാർത്തകൾ

ചെമ്പേരി: ഏരുവേശി ഗ്രാമ പഞ്ചായത്ത് ഒമ്പതാം വാർഡിലെ വളയംകുണ്ടിൽ പ്രവർത്തനമാരംഭിച്ച കൃഷിക്കൂട്ടം സജീവ് ജോസഫ് എംഎൽഎ വേളാങ്കണ്ണി നഗറിൽ ഉദ്ഘാടനം ചെയ്തു. പഞ്ചായത്ത് പ്രസിഡൻ്റ് ജോസ് പരത്തനാൽ അധ്യക്ഷത വഹിച്ചു. വാർഡ് മെംബർ ജോൺസൺ പുലിയുറുമ്പിൽ ആമുഖ പ്രഭാഷണവും. ചെമ്പേരി ലൂർദ് മാതാ ബസിലിക്ക അസിസ്റ്റൻ്റ് റെക്ടർ ഫാ. മാർട്ടിൻ തുറയ്ക്കൽ അനുഗ്രഹ പ്രഭാഷണവും നടത്തി. ഏരുവേശി കൃഷി ഭവൻ കൃഷി ഓഫീസർ ഡോ. ആദിത്യ പി. ബാലകൃഷ്ണൻ പദ്ധതി വിശദീകരിച്ചു. പഞ്ചായത്ത് വൈസ് പ്രസിഡൻ്റ് ജയശ്രീ ശ്രീധരൻ, അസിസ്റ്റൻ്റ് കൃഷി ഓഫീസർ കെ വി. അശോക് കുമാർ, പി.കെ. കുര്യാക്കോസ്, ഗംഗാധരൻ കായ ക്കിൽ, സെബാസ്റ്റ്യൻ കാരക്കുന്നേൽ എന്നിവർ പ്രസംഗിച്ചു. ജൈവ രീതിയിൽ ഉത്പാദിപ്പിച്ച മികച്ചയിനം വാഴത്തൈകളുടെ വിതരണോദ്ഘാടനവും എംഎൽഎ നിർവഹിച്ചു. പഞ്ചായത്തിലെ മറ്റ് വാർഡുകളിലും കൃഷിക്കൂട്ടങ്ങൾ ആരംഭിച്ച് പച്ചക്കറികൾ ഉൾപ്പെടെ വിവിധയിനങ്ങളിലെ ജൈവക്കൃഷിക്ക് പ്രോത്സാഹനം നൽകുമെന്ന് പഞ്ചായത്ത് പ്രസിഡൻ്റ് ജോസ് പരത്തനാൽ അറിയിച്ചു. 🗞️📝 റിപ്പോർട്ടർ: തോമസ് അയ്യങ്കനാൽ